1377 Juli 6. Brieg

Beschränkung der Zahl der Brotbänke.

In nomine domini amen. Nos Ludwicus, dei gracia dux Slezie, dominus Bregensis, Olaviensis et Lobinensis, universis et singulis, ad quos presentes pervenerint, cupimus publice fore notum, quod consideratis et diligenter pensatis diversis defectibus ex superhabundanti multitudine scampnorum panum civitatis nostre Bregensis, unde opus pistorie et totam mechaniam nostrorum pistorum et universitatem communis boni civitatis nostre Bregensis antedicte de die in diem decrescere vidimus et perire, volentes vero singulos defectus fidelium nostrorum subditorum omnium, ut tenemur ex innata nobis clementia, omni tempore totis nostris viribus removere et eisdem etiam ferventi animo in tempore obviare, de maturo consilio nostrorum vasallorum, seniorum omnium et mandato nostro speciali pariterque consensu et assensu dilectorum nobis consulum, juratorum, seniorum, operariorum omnium tociusque communitatis supradicte nostre civitatis Bregensis predictum defectum abicimus et deponimus taliter ordinantes, quod de sexaginta quinque scampnis panum tantum quadraginta duo scampna panum et non plura per eva tempora duratura sine quolibet augmento sistimus, facimus et locamus, ut nostri pistores et totum opus pistorie nostre civitatis Bregensis prenotate se valeant eo melius conservare et commodosius enutrire. In cujus rei testimonium presentes fieri jussimus et nostri sigilli munimine roborari. Actum et datum B rege octava die beatorum Petri et Pauli apostolorum anno domini millesimo trecentesimo septuagesimo septimo presentibus nostris fidelibus domino Henrico de Rechenberg, domino Hanckone de Mlecz, militibus, Frederico Solcz, Theoderico de Redirn, Niczone Oeme, Johanne Ingrami et Thoma de Gobyn canonico Bregensi, nostro notario, qui presentia babuit in commisso.

An rothen und grünen Seidenfäden das kleinere Siegel des Herzogs, ein Helm mit Pfauenschweif, mit folgender Umschrift: † S. LUDWICI DEI GRA. DUCIS SLIE.
Deutsche Uebersetzung in Glawnig's Brieger Wochenblatt Jahrgang III. S. 84.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.